Abakhokheli bamabandla akuhulumende womanyano bazaphatheka emhlanganweni weSadc Troika ngoLwesine eAngola bekhulumisana lalolugatsha ngokulungisiswa kwezombusazwe eZimbabwe.
Umhlangano lo, ozangwenwa nguMongameli Mugabe, uMnu Welshman Ncube loMnu Morgan Tsvangirai, uzakwandulela omkhulu wabakhokheli bamazwe eSadc ngoLwesihlanu.
ISadc Troika ibunjwa ngamazwe athi iZambia, Mozambique leSouth Africa.
UMongameli Jacob Zuma weSouth Africa, ongumlamulankunzi kudaba lweZimbabwe nguye ozakhokhela umhlangano weTroika, njalo ukhangelelwe ukuxwayisa uMugabe ukuthi engaze alokotha ukwenza ukhetho lonyaka kungakalungisiswa okuhluphayo elizweni.
Kodwa isikhulumeli seZanu PF uMnu Rugare Gumbo utshele lumsakazo ukuthi ibandla lakhe alibuyeli muva ngodaba lokhetho.
Ngakwelinye icele unobhala jikelele weMDC ekhokhelwa nguMnu Welshman Ncube uNkosikazi Priscillar Misihairambwi-Mushonga uthi ukhetho kumele lwenziwe sokulungisisiwe konke okuhluphayo okugoqela ukulotshwa kwesisekelo sombuso esitsha.
