amalinks wokungena

Breaking News

Ugatsha Lukahulumende Lwezemali Lufuna Ukuhlenga Ibhanga leReserve Bank of Zimbabwe


UMnumzana Tendai Biti umphathintambo wezemali uthi selidumela emansumpeni ukuthi ugatsha lwakhe luhlenge ibhanga elikhulu lelizwe iReserve Bank of Zimbabwe eselibhidlizwa yizikwelede.

U Biti utshele intathelizindaba esethula imbono yakhe ngomumo wezenotho yelizwe ukuthi angeke abheke nje ibhanga leli lithathelwa impahla ngamankampani afuna ukubhadalwa izikwelede ezadalwa libhanga leli kungakabunjwa uhulumende womanyano.

Uqhubeke wathi sokumele kubunjwe iboard ezaqondisa umsebenzi we RBZ ezakhangela ukuthi lelibhanga lenza inhlelo ezisemthethweni.

Kodwa-ke uMnu. George Mkhwanazi ingcwethi ecubungula ezombusazwe utshele uGibbs Dube we Studio 7 ukuthi kungcono ukuthi usibalukhulu waleli bhanga uMnu. Gideon Gono atshiye umsebenzi nxa injongo yokungenela kuka Biti ingeyokulungisa okungaqondanga kulelibhanga.

‚Äč
XS
SM
MD
LG