amalinks wokungena

Breaking News

Ugatsha Lwe Central Statistical Office Lusungula Isigaba Sakuqala Sohlelo Lokubalwa Kukazulu


Uhlangothi lukahulumende olubona ngokubalwa kukazulu kanye lokuhlolisisa umumo welizwe jikelele, iCentral Statistical Office, soluqalise ukuthumeza ingcwethi zokuhlolisisa ukubalwa kwabantu emadolobheni lemaphandleni ukwenzela ukuthi kwenziwe uhlelo lokubalwa kwabantu olujulileyo ngomnyaka ka 2012.

Lesi sigaba sakuqhala sibikwa siqakathekile okwamagama njengoba siyiso esizatshengisa inane labantu abazaqhuba umsebenzi wokubala uzulu njalo lokuthi kudingakala imali enganani yokuqhuba loluhlelo ukuze luphumelele.

Umnu. Khumbulani Gwebu, ingcwethi ehlaziya ezokubala uzulu lokuhlolisisa umumo welizwe, utshele uGibbs Dube we Studio 7 ukuthi nxa ingcitshi lezi eseziqalisile umsebenzi zingenelisa ukwehlukanisa izabelo okubalulekileyo, impumela yokubala uzulu ngo mnyaka ka 2012 ilakho ukungasolwa ngabezombusazwe kanye lengcwethi zenotho.

‚Äč
XS
SM
MD
LG