amalinks wokungena

Breaking News

Uhlangothi Lwe Central Statistical Office Lwehluleka Ukuqhuba Umsebenzi Ngemfanelo


Lolu hlangothi lubikwa lucine ukuqhuba inhlelo zokubuthanisa ulwazi olungaphathisa ilizwe ngomnyaka ka1999

Abaphathintambo bebandla le Movement for Democratic Change (MDC) abakuhulumende womanyano bathi uhlangothi lwe Central Statistical Office (CSO) alwenzi lutho ekubuthaniseni ulwazi oluqakathekileyo lokuphathisa ekuhleleni inhlelo zokuthuthukisa ilizwe.

Unkosazana Thokozani Khuphe umsekeli wenhloko kahulumende lo Mnu. Elton Mangoma umphathintambo wezokuthuthukisa inotho batshele abezindaba ukuthi ugatsha lolu lwacina ngomnyaka 1999 kusiya ku 2006 ukuqhuba inhlelo zama surveys aqakathekileyo akhangelane lolwazi lwezokulima, amabhizimusi, imsebenzi kanye lokuhlolisisa imhlambi yenkomo elizweni.

Baphinde bathi iCSO esiguqulwe ibizo yaba yi Zimbabwe National Statistics Agency (ZIMSTAT) isizazimela yodwa ukwenzela ukuthi yenelise ukuqhuba inhlelo zayo ikhululekile njalo idinge imali enhlanganisweni ezizimeleyo.

Uhlangothi lwe ZIMSTAT lube lukhangelelwe ukuqalisa ngoMvulo ukuqhuba inhlelo ezitshiyeneyo ezizabhadalelwa yi African Development Bank.

Umnu. Khumbulani Gwebu ingcwethi kwezokubalwa kwabantu lezokubuthaniswa kolwazi lokuthuthukisa ilizwe, utshele uGibbs Dube we Studio 7 ukuthi nxa iZIMSTAT ingazimela yodwa isebenze ikhululekile ilakho ukuqhuba inhlelo zayo zama surveys ahloniphekayo njalo iphuma lolwazi oluqondileyo.

‚Äč
XS
SM
MD
LG