UMnumzana Ben Rich isikhulumeli sika Mnu. Bill Pascrell okudale le Congress eMelika uthi ugatsha luka hulumende olubona ngezemali olwe Treasury kanye le nhlanganiso ye National Basketball Association (NBA) bahlolisisa ukuthi usomabhizimusi owe Russia osefuna ukuthenga iqembu lomdlalo webasketball ele New Jersey Nets kephulanga imgoqo yezijeziso zenotho ezafakelwa ele Zimbabwe.
U Rich uthi loba nje kulembiko ethi iNBA isanda kuthatha isinqumo sokuthi uMnu. Mikhail Prokhorov ulamalungelo okuthenga leliqembu njengoba engelabudlelwano lamankampani kumbe abantu abafakelwa lezizijeziso eZimbabwe, kumele ahlolisiswe ukuthi ume njani kumabhizimusi akhe eZimbabwe engakathengi iNew Jersey Nets.
U Rich uphinde wathi kulembiko esitholwe yiNBA etshengisa ukuthi usomabhizimusi lo engabe elobudlelwano obucatshileyo labantu abaphansi kwezijeziso zenotho.
Umnu. Bekithemba Mhlanga ingcwethi ecubungula ezenotho lezombusazwe utshele uGibbs Dube we Studio 7 ukuthi uProkhorov ufela amafufu njenge gundwane.
IMelika Ihlolisisa Usomabhizimusi weRussia Ofisa Ukuthenga Iqembu LeNew Jersey Nets
- Gibbs Dube
