amalinks wokungena

Ugatsha Lwezemfundo Lusungula Uhlelo Lokubhalisa Izifundi Ebulenjini

  • Chris Gande

UMnu. Lazarus Dokora.

Sokulokwesabela ukuthi ukubhalisa amagama kwabantwana besikolo asebegqibe izifundo zikaGrade 7, asebesiya ezifundweni zika Form One kuzakubanzima kulandela ukusiwa emthethwandaba okwenziwe umphathintambo wezemfundo ye Primary le Secondary, uMnu. Lazarus Dokora.

Udaba lolu luhanjiswe yinkampani ethi uDokora wasebenzisa ubungcitshi bobulembu lobu obuthiwa electronic Ministry Application Platform kumbe e-MAP, engaphiwanga imvumo.

UDokora wazisa ngenyanga edluleyo ukuthi ukubhalisa amagama abantwana abaya kuForm One akusoze kwenziwe ezikolo kodwa sokuzakwenziwa ebulenjini kuphela.

Kodwa inkampani ye Purple Devine Techonology ithi uDokora engayekela ukumisa uhlelo lolu uzamela athathelwe amanyathelo ngumthethwandaba ngoba ubungcitshi obusetshenziswayo kuloluhlelo wabusebenzisa engavumelananga labo bona babemtshengisile nje kuphela bengakavumelani ukuthi busetshenziswe.

Abazali abanengi bathi bayehluleka ukubhalisa abantwababo okuthiwa yinkampani ye Purple Devine kubangelwa yikuthi uDokora kaphiwanga imvumo yokusebenzisa ubungcitshi lobu okusemthethweni.

Ukuhlaziya loludaba uChris Gande weStudio 7 uxoxe lesiphathamandla senhlanganiso ye Progressive Teachers’ Union of Zimbabwe, uMnu. Vusumuzi Mahlangu.

XS
SM
MD
LG