amalinks wokungena

Breaking News

Grace Mugabe: Alike Litshiyani Lomkhuba Wamaxuku kuZanu PF


Umkamongameli weZimbabwe uNkosikazi Grace Mugabe

Umkamongameli weZimbabwe uNkosikazi Grace Mugabe uthuke abacele lebandleni lakhe leZanu PF elibikwa likhokhelwa ngumsekeli kamongameli uMnumzana Emmerson Mnangagwa elizibiza ngokuthi yiTeam Lacoste.

Lokhu ukukhulume emhlanganweni wabasekeli beZanu PF awenzele esikolweni seKanyemba koChiweshe esigabeni seMashonaland Central esithi akumthabisi ngitsho lakancane ukulwisana okulokhe kuqhubeka phakathi kwaleli bandla.

Unkosikazi Mugabe usole icele elizibiza ngokuthi yiTeam Lacoste, okulicele leZanu PF elibikwa likhokhelwa ngumsekeli kamongameli umnumzana Emmerson Mnangagwa, esithi yilo elikhokhela ekulwisaneni lokhu ngakhoke kumele litshiyane lakho lokhu.

UMngangagwa ubikwa kunguye okhanya sezilungiselela ukuba nguye ozathatha isikhundla sikaMugabe esesukile esikhundleni kulelinye icele elizibiza ngokuthi yiGeneration 40 loba G40 kodwa lalo athe unkosikazi Mugabe ukhathazekile ukuthi abantu bathi ukulele cele.

Uqhubeke etshela abakade besemhlanganweni lo ukuthi ezinye iziphathamandla ze Zanu PF laloba engazibethanga ngamagama athi zithanda izikhundla kakhulu okokuthi sezifuna ukukhipha umkakhe esikhundleni ngendlela ezingekho emthethweni. Wabaxwayisa labo abalezifiso ezinjalo bazaxotshwa ebandleni kodwa wavikela umpathintambo wezemfundo umnumzana Jonathan Moyo obephoselana aqhatha enkundleni zebulenjini lesikhulumeli sikamongameli Mugabe umnumzana George Charamba ngodaba lozathatha isikhundla sikamongameli.

Umkamongameli uthe uyakwazi ukuthi imizamo yokubhomba ibhizimusi yakhe yochago yenziwe ngabanye abakubandla le Zanu PF njalo abasezikhundleni zobukhokheli. Wagcizelela njalo ukuthi umkakhe nguye ozacintisa esikhundleni sikamongameli kukhetho luka2018 ngoba nguye yedwa olobukhokheli obukhaliphileyo obuletha ukuthula lokuzinza elizweni.

IStudio 7 yehlulekile ukuthola umbono kamsekeli kamongameli umnumzana Mnangagwa ngakho konke lokhu akwetheswayo.

Umpathintambo wombuso wezabelo umnumzana Saviour Kasukuwere, laye obe khona kulumhlangano ubikwa efunge wagomela ukuthi akasoze afa ahlamukela umongameli angamfela lokumfela nxa kudingakala. Waxwayisa inkokheli yezigaba zeMidlands, Mashonaland East le Masvingo, okuqhamuke udlakela ngoLwesithathu emhlanganweni weZanu PF Politburo ukuthi zilakho ukuxotshwa ebandleni ngoba zingcolisa igama lebandla.

Njengemvama umkamongameli ugqibe umhlangano lo ngokwabela abantu abakade bekhona ukudla, okokulimisa, imitshina yamacomputer lolunye uncedo.

please wait

No media source currently available

0:00 0:02:16 0:00
Lapho esitholakala khona

XS
SM
MD
LG