amalinks wokungena

Breaking News

UGutu Bamtshele Zagcwala Besithi Ululaza Udaba lweGukurahundi


UNkosazana Thokozani Khupe loMnu. Obert Gutu.

Ilunga lekhomishini ebona ngokukhumisana umlotha eyeNational Peace and Reconciliation Commission njalo engowebandla leZanu PF uMnu Obert Gutu ucunule abanengi ngoLwesibili ngamazwi abanye abathi alulaza udaba lombhuqazwe weGukurahundi.

Ekhuluma emhlanganweni wekhomishini le lentathelizindaba eHarare, uGutu uthe udaba lweGukurahundi luyingxenye nje encane yendaba ikhomishini yakhe elomlandu wokuzilungisisa.

I-video yakhe ezikhulumela ifakwe yinkundla yeZimlive ekhasini layo leTwitter lapho abantu abanengi abaveze khona insolo yabo betshela uGutu amazwi angakhulumekiyo emsakazweni kazulu.

Abanengi bathe kuyinhlamba ukuthi achaze udaba lweGukurahundi njengodaba oluncane besithi yilo udaba olukhulu ukwedlula ezinye zonke okumele lulungisiswe ngokuphangisa.

Umsakazo weStudio 7 uxhume uGutu ukuze achasise amazwi akhe kodwa wala ukukhuluma esithi iZimLive, eyito efake i-video yamazwi akhe, yinkundla yabantu abalenjongo embi.

Ekhuluma emhlanganweni lentathelizindaba umnu Gutu uthe udaba lweGukurahundi baphezu kwalo njalo uthe ikhomishini yakhe isithumele amaqula koBulawayo lasezabelweni zeMatabeleland ukuyakhulumisana lozulu ngalo.

Isiphathamandla senhlanganiso ekhankasela ukulungisiswa kodaba lweGukurahundu eyeIbhetshu likaZulu uMnu Mbuso Fuzwayo uwasolile kakhulu amazwi kaGutu.

please wait

No media source currently available

0:00 0:02:16 0:00

USenator webandla leMDC-T uMnu Khaliphani Phugeni laye umsolile uGutu esithi kalungelanga ukuba kukhomishini le, yona elomlandu wokukhumisana umlotha.

please wait

No media source currently available

0:00 0:02:06 0:00

Facebook Forum

XS
SM
MD
LG