amalinks wokungena

Breaking News

Ugwalo Lokuthengisa Amankampani Kahulumende Luzakwethulwa Ngeviki Ezayo: Moyo


Umphathintambo wezamankampani kahulumende uMnu. Gorden Moyo uthi ngeviki ezayo uzakwethula ugwalo olujulileyo lokuvuselela amankampani kahulumende olubizwa ngokuthi yi Restructuring Manual for State Enterprises and Parastatals.

UMoyo utshele iStudio 7 ngoLwesihlanu ukuthi ugwalo lolu luzakwenza kube nzima ukuthi abaphathintambo bakahulumende badinge amankampani labosomabhizimusi bokusebenzelana lamankampani la bengakezwa imbono kazulu.

Uqhubeke ethi banengi abaphathintambo bakahulumende abakade bezidingela abangane nxa kuvuselelwa amankampani elizwe.

Uphinde wathi ugwalo lolu solwemukelwe lidale labaphathintambo elecabinet ngakho kukhangelelwe ukuthi lubeyinsika yokuthengisa amankampani kahulumende.

"Kade sebesiba banengi abaphathintambo abacatshangelwa ukuthi bebefumbathiswa yilabo abafuna ukusebenzelana lamankampani kahulumende kodwa-ke sokuphelile konke lokhu" utshonjalo uMoyo.

Uhulumende uzamile ukuvuselela inkampani ye Zimbabwe Iron and Steel Company loba kulabanye abakumabandla abusayo abalwisana lesivumelwano esinziwe lenkampani ye Essar Africa Holdings ye India.

XS
SM
MD
LG