amalinks wokungena

Breaking News

Uhlelo Lokulolonga Amadayimana Luxabanisa Uzulu leAAG


Inhlanganiso yabalwela ukuthuthukisa inotho yabensundu iAffirmative Action Group ithi osomabhizimusi abakunhlanganiso le yibo bodwa abakhangelelwe ukuthi bangene kuhlelo lukulolonga amadayimana efekithali ye Zimbabwe Diamond Technology Center.

Umgcinisihlalo wenhlanganiso le uMnu. Supa Mandiwanzira uthi akukakhethwa osomabhizimusi abazenza lumsebenzi loba nje kusobala ukuthi uzulu angehluleka ukungena kulolu hlelo.

U Mandiwanzira uthi uzulu akumelanga amangale nxa osomabhizimusi abathola kudala inzuzo kuhlelo lokuthuthukisa inotho yabensundu beyibo njalo abazangena kwezokulolonga amadayimana.

Ifekithali yokulolonga kanye lokuqumaquma amadayimana la embiwa eMarange iyakhiwa eHarare.

Umnu. Buletsi Nyathi owenhlanganiso ye Youth in Mining Council of Zimbabwe utshele iStudio 7 ukuthi uhlelo lokuthuthukisa inotho yabensundu lulethela inzuzo abalandeli bebandla le Zanu PF hatshi abantu makhaza.

‚Äč
XS
SM
MD
LG