amalinks wokungena

Breaking News

Inengi Lamukela Ukumiswa Kohlelo Lokuqhatsha Ababalisi besiShoneni koBulawayo.


Inengi lithi litshayela ihlombe ugatsha lukahulumende olubona ngezemfundo ngokumisa isinqumo obelusithethe esokuthi luqhatshe ababalisi abengenelisiyo ukukhuluma ulimi lweSiNdebele kumbe olunye olukhulunywa ezigabeni zeMatabeleland.

Inengi lithi litshayela ihlombe ugatsha lukahulumende olubona ngezemfundo ngokumisa isinqumo obelusithethe esokuthi luqhatshe ababalisi abengenelisiyo ukukhuluma ulimi lweSiNdebele kumbe ezinye indimi ezikhulunywa ezigabeni zeMatabeleland ukuthi befundise koBulawayo.

Uhulumende usanda ukuveza uluhlu lwamabizo ababalisi abaqhatshiweyo, olutshengise sobala ukuthi inengi labo ngabohlobo lwesiShoneni.

Ingcwethi kwezemfundo zithi kufanele umbalisi ofundisa umntwana izifundo ezikuzinga eliphansi abelwazi ulimi lwakhe ukwenzela ukuthi amtolikele ngokuqotho amabala esiNgisi. Lokhu kugcizelelwa yisisekelo sombuso selizwe kanye leziqondiso zomanyano weUnited Nations.

Umabhalane omkhulu kugatsha lwezemfundo uNkosikazi Thumisang Thabela ubikwa esithi umtshina kahulumende ubulengxaki okuyikho okubangele leliphutha. Uthi ugatsha lwakhe luzazaphenya kumbe kulenkohlakalo kuloludaba.

Ukuhlaziya loludaba, sixoxe loNkosazana Priscilla Ncube, ilunga lenhlanganiso yePTUZ, njalo engumbalisi ofundisa izifundo zezinga eliphansi eleEarly Childhood Development yena othi okudanisayo yikuthi ababalisi abangazwisisiyo ulimi lwesiNdebele bayalufundisa abantwana, bona abalotitshala oyedwa kuzo zonke izifundo zezinga labo.

please wait

No media source currently available

0:00 0:03:02 0:00

Facebook Forum

XS
SM
MD
LG