amalinks wokungena

Breaking News

Ingcwethi Zenotho Zithi Uhlelo Lwezisebenzi Zikahulumende Lokuthenga Imota Emazweni Lungaqanjulwa Ngabalemali


Ingcwethi zenotho zithi uhlelo uhulumende afuna ukulwethulela izisebenzi zikahulumende ezingavunyelwa ngoZibandlela ukuthi zithenge imota emazweni zingabhadali umthelo we import duty lulakho ukuqanjulwa ngabaphathintambo bakahulumende njalo lungenza ukuthi uhulumende angenelisi ukubuthanisa imali edingwa nzima eyomthelo weImport tax.

Ingcwethi lezi zithi kujayelekile ukuthi inhlelo ezinje zicine sezinceda abalezikhundla eziphezulu kuhulumende kulalabo okumele bathole loluncendo.

Omunye walezingcwethi uMnu. John Robertson uthe kungabangcono ukuthi imali yokuthenga izimota lezi eyabe ikweledwe kuhulumende isetshenziswe ukuthenga imtshina lokunye okufunakalayo emafekithali athwele nzima ngokwenza impahla ngemtshina emdala.

Eyinye njalo yalezingcwethi uMnu. Rejoice Ngwenya uthe akulandlela engenziwa nguhulumende ukuthi uhlelo lolu lungaqanjulwa yiziphathamandla zikahulumende.

XS
SM
MD
LG