amalinks wokungena

Uhlelo Lukazibuthe Lwabahlabeleli be Zimbabwe Kaluthuthuki Ngemfanelo

  • Gibbs Dube

Uhlelo lukazibuthe lwabaculi be Zimbabwe labanye babo olwasungulwa ngomnyaka ophelileyo yiNational Arts Council of Zimbabwe le Cell Holdings Private Limited, kalukathuthuki ngendlela ekade ikhangelelwe ngenxa yokuswelakala kwemali.

Umnu. Nicholas Moyo umsekeli womqondisi we National Arts Council utshele iStudio 7 ukuthi banengi abaculi, abagidayo labenza okufanayo abehluleka ukubhadala amatshumi amahlanu amadollar - $50 yokungena kuhlelo lolu.

UMoyo uthe lokhu kwenziwa yikuthi abantu be Zimbabwe batshaphaza abahlabeleli ngokudinda okungekho emthethweni ingoma zabo bezithengisele uzulu ngemali ephansi.

Uphinde wathi okunye njalo okwenza ukuthi uhlelo lolu lungaphumeleli yikuthi kulabanye ababona engani lungabanika umnyama bafe bengagulanga.

Banengi abenza umsebenzi wokugida, ukuhlabelela, ukubaza lokunye okuthandwa nguzulu abafa izihlobo ziswele imali yokubangcwaba.

UMoyo uthe imali ekhitshwayo ifakwa emkambo wemali ukwenzela ukuthi uhlelo lolu luthuthuke.

XS
SM
MD
LG