WASHINGTON —
Uhulumende uthi usegqibe uhlelo lokudingisisa ngezakhiwo ezingekho emthethweni olwe Audit eChitungwiza le Seke lapho afumane ukuthi izitanda ezedlula inkulungwane ezingamatshumi amabili lantathu-23 000 ezibiza inkulungwane ezingamatshumi amabili zamadola-$20 million zathengiselwa izakhamizi ngokungekho emthethweni ngamakhansili akulezi ndawo.
Lokhu kuvezwe ngoLwesithathu emhlanganweni lentathelizindaba nguMnu. Ronald Chimowa obekhokhela iqula logatsha lukahulumende olubona ngentuthuko yezabelo ebelidingisisa ngaloludaba.
UChimowa uthe abathengisela abanye indawo zokwakhela izindlu lezi babikwa bazabotshwa, kuthi abanikazi baphiwe inyanga eziyisitshiyangalombili ukudinga ezinye indawo zokusebenzela kumbe bahlawulwe.
Wengezelele wathi abaphatheka kulokhu ukungethembeki ngamakhansila eSeke le Chitungwiza, abanye osobhuku be Seke, osomabhizimusi, kanye lamakopa agoqela i-United We Stand le Zano Remba.
Ekhuluma emhlanganweni ofanayo, umphathintambo walolugatsha uMnu. Ignatious Chombo uthe uhulumende uzahlolisisa impumela yalokhu ukudingisisa andubana anqume kuloludaba.
UMnu. Roderick Fayayo, isiphathamandla se Bulawayo Progressive Residents Association uchasisela uSithandekile Mhlanga weStudio 7 ukuthi uhlelo lolu lungaqhutshwa koBulawayo kungavelani.
Lokhu kuvezwe ngoLwesithathu emhlanganweni lentathelizindaba nguMnu. Ronald Chimowa obekhokhela iqula logatsha lukahulumende olubona ngentuthuko yezabelo ebelidingisisa ngaloludaba.
UChimowa uthe abathengisela abanye indawo zokwakhela izindlu lezi babikwa bazabotshwa, kuthi abanikazi baphiwe inyanga eziyisitshiyangalombili ukudinga ezinye indawo zokusebenzela kumbe bahlawulwe.
Wengezelele wathi abaphatheka kulokhu ukungethembeki ngamakhansila eSeke le Chitungwiza, abanye osobhuku be Seke, osomabhizimusi, kanye lamakopa agoqela i-United We Stand le Zano Remba.
Ekhuluma emhlanganweni ofanayo, umphathintambo walolugatsha uMnu. Ignatious Chombo uthe uhulumende uzahlolisisa impumela yalokhu ukudingisisa andubana anqume kuloludaba.
UMnu. Roderick Fayayo, isiphathamandla se Bulawayo Progressive Residents Association uchasisela uSithandekile Mhlanga weStudio 7 ukuthi uhlelo lolu lungaqhutshwa koBulawayo kungavelani.
