amalinks wokungena

Breaking News

Uhlelo Lwe Indigenization Kaluqalise Kumankampani Kahulumende - CZI


Inhlanganiso ye Confederation of Zimbabwe Industries (CZI) ithi uhlelo lwe Indigenization kumele luqalise kumankampani kahulumende angela mali alakho ukudilizwa yikwehluleka ukuqhuba umsebenzi ngendlela eqondileyo.

Inhlanganiso le yethule lesisinqumo emhlanganweni wayo omkhulu osanda kwenzelwa eVictoria Falls lapho okuhlafunwe kakhulu udaba lohlelo lwe Indigenization osoluxotshe abantu bemazweni abafuna ukuvula amafekithali eZimbabwe.

Ithi abantu makhaza balakho ukuthenga amashares kumankampani kahulumende bebambisane lamankampani azimele wodwa okuzakwenza ukuthi amankampani kahulumende athuthuke.

Umphathintambo obona ngezamafekithali, uMnu. Welshman Ncube utshele uGibbs Dube we Studio 7 ukuthi uhulumende uyasekela inhlelo zokuthi abantu makhaza bebambisane labosomabhizimusi ukwenzela ukuthi bathenge amashares kumankampani kahulumende.

XS
SM
MD
LG