amalinks wokungena

Uhlelo Lwe Medium Term Plan Kalwenziwa Ngemfanelo: Mashakada


Uhulumende we Zimbabwe uthi uhlelo lokuvuselela umnotho welizwe olusungulwe ngomnyaka ophelileyo olwe Medium Term Plan kuyehlula ukuthi lwenziwe ngemfanelo.

Umnu. Tapiwa Mashakada umphathintambo wezokuthuthukisa umnotho welizwe utshele idale lephalamende ukuthi uhlelo lolu kalukatholi usekelo lwamazwe alemali njalo labosomahizimusi bemazweni.

Umnu. Mashakada uthi inengi labantu bemazweni besaba ukufaka imali yabo kwele Zimbabwe ngenxa yohlelo lwe indigenization.

Uthi okunye njalo yikuthi kulokuxokozela okumangalisayo kuhulumende womanyano.

Uphinde wathi uhulumende lo uyaphuza ukunika osomabhizimusi imsebenzi kahulumende elungiswa lugatsha lwe State Procurement Board.

Uhlelo lolu okumele lusebenzise amabillion phose alitshumi amadollar eMelika - $9 billion - kusiyafika kumnyaka ka 2015, lwehlulekile okwamanje lokwenzela uzulu imisebenzi.

Lokhu kwenziwe yikuthi kuyehlula ukuthuthukisa ezokulima kanye lezamafekithali aswela imali yokwenza impahla etshiyeneyo.

Bekukhangelelwe ukuthi uhlelo lolu luzakwenza ukuthi umnotho welizwe uthuthuke ngokuyisilinganiso esedlula okuyisikhombisa. ekhulwini – 7.1 percent mnyaka yonke kuze kuyefika umnyaka ka 2015. umnu. bulisani ncube usomabhizimusi wako bulawayo utshele ugibbs dube we studio 7 ukuthi bekuvele kusobala ukuthi uhlelo lolu kalusoze luphumelele.

Ukuze sihlaziye loludaba sixoxe loMnu. Walter Nsununguli Mbongolwane, ingcwethi ecubungula ezombusazwe, endawonye loMnu. Thabani Nyoni, umqondisi we Bulawayo Agenda.

XS
SM
MD
LG