Inhlanganiso ezilwela amalungelo ababalisi sezemukele ngokuthokoza uhlelo olusungulwe nguhulumende emanyene lenhlanganiso ye UNICEF,oluvulwe ngokusemthethweni ngumongameli Robert Mugabe izolo eHarare lokuthi ababalisi bengezelele imfundo yabo, olwe Teacher Capacity Development Program.
Inhlanganiso lezi zigoqela I-PTUZ, I-ZIMTA, kanye le Teachers’ Union of Zimbabwe njalo zigcizelela ukuthi kufanele uhulumende asebenze lalo ukunanzelela ukuthi uhlelo lolu luyaphumelela.
Uhlelo lolu luzaqhutshwa emakolitshini emfundo ephezulu njalo lugoqela izifundo zesamu, indimi ezikhulunywa elizweni kanye le mitshina yakulezinsuku eye technology.
Ukuze sihlaziye loludaba, uSithandekile Mhlanga oweStudio Seven uxoxe loMnu. Isaac Mpofu, ingcwethi kwezemfundo, yena ogcizelela ukuqakatheka kwaloluhlelo.
