amalinks wokungena

Uhulumende Kasoze Aguqule Iziqondiso Zomthetho we Indigenization

  • Gibbs Dube

Ugatsha lukahulumende olubona ngokuthuthuka komnotho kazulu luthi kalusoze luguqule iziqondiso zomthetho wohlelo lwe Indigenization njengalokho okufiswa nguMnu. Tendai Biti umphathintambo wezemali.

Umnu. Psychology Maziwisa igqwetha elimele ugatsha lolu uthi okukhulunywa nguBiti akusoze kwenzakale ngenxa yokuthi ufuna ukuthabisa osomabhizimusi bemazweni.

UMaziwisa uthe ugatsha lwakhe kalusoze luzihluphe ngokukhuluma ngodaba lolu lezinye ingatsha kanye lamalunga edale lephalamende.

Uphinde wathi kuzabanzima ukuthi kuguqulwe iziqondiso zomthetho lo nje, ngoba amabandla amathathu abusayo elembono etshiyeneyo ngohlelo lolu.

UBiti utshele idale lephalamende ngolwesithathu ukuthi osomabhizimusi bemazweni balakho ukungabanjwa ngamandla ukuthi bathengisele uzulu amashares ayisilinganiso sokungamatshumi amahlanu lanye ekhulwini – 51%, nxa kungaguqulwa iziqondiso zohlelo lwe indigenization njengalokho okukhangelelwe nguhulumende.

Kodwa-ke uMaziwisa uthe okukhulunywa nguBiti akusoze kwenzakale eZimbabwe.

XS
SM
MD
LG