amalinks wokungena

Breaking News

'Uhulumende Kumele Alandele Indlela Eziqondileyo Zokulwisana Lobuyanga'


FILE: Kuthengiswa isinkwa emigwaqweni eZimbabwe, March 26, 2008.

Abenhlanganiso ecubungula ezenotho lokubhekane lezisebenzi eyeLabour and Economic Research Institute of Zimbabwe bakhuthaza uhulumende kaMongameli Emmerson Mnangagwa ukuthi alandele indlela eziqondileyo zokulwisana lobuyanga ebantwini ngokubalungisela amathuba okuzithuthukisa ngokwabo hatshi ukuqakathekisa ukudinga indlela zokubuthanisa imali yokuhlawulela indleko zakhe kuphela.

Lokhu kuphume emhlanganweni wabenhlanganiso le kanye lentathelizindaba owenzelwe eHarare lapho okwethulwe uphenyo lwabakwenzileyo ngomumo wezombusazwe lowezenotho eZimbabwe.

Ingcwethi esebenzisana lenhlanganiso le, uSikhwicamfundo Prosper Chitambara, uthi kuqakathekile ukuba inkokheli yelizwe idonsele cele linye loba ilembono eyehlukeneyo ukwenzela ukuthi kuqedwe ubuyanga kanye lokuthuthukisa inhlalakahle yabantu, ikakhulu enhlangothini ezigoqela ezempilakahle, ezemfundo lezinye.

Enye ingcwethi kwezomnotho eyenhlanganiso le, uSikhwicamfundo Clinton Musonza, uthi kuqakathekile ukuba abantu babewazi amalungelo abo kwezomnotho lenhlalakahle ukuze benelise ukumthonisela uhulumende lapho ethe wehluleka ukugcwalisa iziqondiso zesisekelo sombuso.

Intathelizindaba ebesemhlanganweni lo, uDesire Tshuma oloba ezimele, uthi kumele uhulumende alandele indlela zokuqeda ubuyanga afunde kosekwenziwe ngamanye amazwe.

Ingcwethi kwezomnotho zithi eleZimbabwe likules’isimo sezomnotho ngenxa yezinqumo uhulumende azithathayo ezingahambelani lokuthuthukisa umnotho welizwe.

Udaba Esilethulelwe NguMavis Gama
please wait

No media source currently available

0:00 0:04:33 0:00

Facebook Forum

XS
SM
MD
LG