Umphathintambo wezemali, uMnu. Tendai Biti, uthi usebhalele ibhanga elikhulu lelizwe iReserve Bank of Zimbabwe ukuthi linike ama licences amabhanga amathathu elawavalayo ngo 2005 ilizwe likhangelane lokudilika komnotho.
U Biti uthi uhulumende laye sevumile ukuthi iTrust Holdings Limited, iRoyal Bank kanye le Barbican Bank anikwe ama licences ukwenzela ukuthi aqalise ukusebenza.
Amabhanga la avalwa yi RBZ ikhonona ngokuthi ayeqhuba inhlelo ezazilakho ukubhidliza inotho yelizwe.
Inotho yamabhanga la yahlanganiswa kwabunjwa ibhanga linye ele Zimbabwe Allied Banking Group elilakho ukubhidlika nxa lamabhanga engaphiwa ama licences.
Ingcwethi ecubungula ezenotho uMnu. Bekithemba Mhlanga utshele uGibbs Dube we Studio 7 ukuthi kuzakubanzima ukuthi inotho yamabhanga la yehlukaniswe.
