amalinks wokungena

Breaking News

Uhulumende Selandela Izixwayiso ZeKimberly Process


Isithunywa senhlanganiso yeKimberly Process eZimbabwe uMnu Abbey Chikane uthi uhulumende ukhanya selandela izixwayiso zenhlanganiso yakhe kudaba lwamadayimana emigodini yeChiadzwa, okulakho ukwenza ukuthi inhlanganiso yakhe inikeze iZimbabwe imvumo yokuthengisa amadayimana la kusikhatshana esilandelayo.

UMnu Chikane wethule amazwi la eHarare ngoLwesine ngemva kokwethekelela imigodi yeMarange kanye lokuhlangana leziphathamandla zikahulumende. UChikane uthe ukucwayisisa akwenzileyo kuveze ukuthi uhulumende wenza konke okusemandleni akhe ukulungisisa udaba lwamadayimana eMarange.

Ngalokhu uthi uzatshela iKimberly Process ukuthi inikeze iZimbabwe imvumo yokuthengisa amadayimana eChiyadzwa. UChikane yisizalwane seSouth Africa njalo ufike elizweni ngoMvulo njalo ugqiba uhambo lwakhe ngoLwesihlanu.

Imbiko kaChikane le iza kungensuku zatshwala inhlanganiso yeCenter for Research and Developmement iveze ukuthi kuntshontshwa amadayimana amanengi kakhulu eChiyadzwa ngelanga ethengiswa kwamanye amazwe okungekho emthethweni. Umphathintambo wezemigodi uMnu Obert Mpofu yena wazise ukuthi uhulumende semise konke ukuthengiswa kwedayimana elizweni kungakhathalekile ukuthi lenjiwa eMarange kumbe hatshi.

UMnu Mpofu utshele uNtungamili Nkomo ukuthi weStudio 7 ukuthi uhulumende ufuna kuqale kulungisiswe udaba lweMarange, esithi njalo bamukela ngenjabulo imbiko kaChikane.

‚Äč
XS
SM
MD
LG