Uhulumende Seqhelise Njalo Iziqondiso zeCovid-19 Ngamaviki Amabili

Uhulumende weZimbabwe ngoLwesibili uqhelise iziqondiso zokwenqabela umkhuhlane weCovid-19 ngamanye njalo amaviki amabili phansi kweLockdown Level 2.

Lokhu kwaziswe ngumphathintambo obona ngokwethulwa kwemibiko uNkosikazi Monica Mutsvanga.

Uthe osaphethe isikhundla sikaMongameli welizwe njalo engumphathintambo wezempilakahle uMnu Constantino Chiwenga ukubone kufanele ukuthi lokhu kwenziwe ngoba umkhuhlane lo ulokhe uyingozi lanxa nje amanani abantu abafunyanwa belawo selehlile.

Kodwa inengi koBulawayo lithi ngabe uhulumende uyekethise iziqondiso lezi zaya kuzinga lakuqala, iLockdown Level 1 kumbe ukuzesula, ngokutsho kwesiphathamandla seBulawayo Progressive Residents Association uMnu Ambrose Sibindi.

Embed share

Ingxoxo loMnu Ambrose Sibindi

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:13 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala

Kusenjalo, ugatsha lwezempilakahle luthi kufe abane ngeCovid-19 eZimbabwe ngoLwesibili njalo kutholakale abangamatshumi amane belomkhuhlane lo.

Inani lasebebhubhile likhwele laya kunkulungwane ezedlula ezine, 4,683.