amalinks wokungena

Breaking News

Uhulumende Ubamba Amashares Amankampani Emazweni Angalandelanga Umthetho we Indigenization


Umphathintambo wezabatsha lokuthuthukisa inotho kazulu uMnu. Saviour Kasukuwere uthi wonke amankampani awemazweni emigodi angalandelanga iziqondiso zomthetho we Indigenization asethathelwe nguhulumende amashares angamatshumi amahlanu lanye ekhulwini.

UKasukuwere uthi kusukela ngolweSine amankampani la kumele agcinele uhulumende imali ayenzayo ehambelana lamashares la.

Uthi amankampani azakwephula isinqumo lesi azajeziswa okubuhlungu nguhulumende we Zimbabwe.

UKasukuwere katshongo ukuthi amashares la azabhadalelwa njani loba nje ngeviki eliphelileyo ethe uhulumende kalamali yokubhadala amashares azatholwa kumankampani emazweni.

Kulemigodi yemanzweni eminengi elokhe ilwisana lohulumende ngokwabela uzulu amashares ngendlela efunwa nguhulumende.

Umnu. Kucaca Phulu igqwetha eliyingcwethi kwezomthetho wamankampani utshele ugibbs dube we Studio 7 ukuthi okwenziwa ngukasukuwere akukho emthethweni.

Ukuze sihlaziye loludaba, uSithandekile Mhlanga weStudio 7 uxoxe loMnu. Bekithemba Nyathi, umgcinisihlalo wabatsha koBulawayo kucele le MDC elikhokhelwa nguMnu. Morgan Tsvangirai, endawonye loMnu. Effie Dlela-Ncube, ingcwethi ecubungula ezombusazwe.

XS
SM
MD
LG