Uhulumende ukhangelelwe ukubumba isikhwama sezigidi ezedlula ezimbili zamadola eMelika ngomnyaka ozayo, sokuncedisa abesifazana abangenelisi ukuthola imali yezikwelede emabhanga.
Umphathintambo wezemali uMnu. Tendai Biti uthi limali izancedisa abesifazane abenza amabhizimusi anjengokupheka isepa, abafuya inkukhu, abatshaya izitina kanye labathengisa impahla edingwa emazweni.
UBiti uthi imali le izafakwa ngaphansi kogatsha lwabomama njalo izatholakala ebhana lePost Office Savings Bank (POSB).
Omele abesifazane ko Bulawayo kubandla le Movement for Democratic Change ekhokhelwa nguMnu. Arthur Mutambara, uNkosikazi Beauty Kerr uthi kumele bonke omama bathole imali le kungakhethwa ukuthi bakuliphi ibandla lezombusazwe.
