amalinks wokungena

Breaking News

Uhulumende Ubumba Umthetho Wokubhadalisa Osomabhizimusi Abasemazweni Umthelo


Uhulumende we Zimbabwe usebumba umthetho ozakwenza ukuthi amankampani abosomabhizimusi be Zimbabwe abahlala kwamanye amazwe babhadale umthelo elizweni.

Umnu. Tendai Biti umphathintambo wezemali uthi lokhu kwenzelwa ukuthi ilizwe libuthanise imali ethe xaxa evela emthelweni wamankampampani lakuzulu.

UBiti ubikwa esungule ukuqoqwa kwalumthetho ngempelaviki lapho athe uhulumende uzimisele ukuthuthukisa inotho yelizwe ngokwenza ukuthi amankampani alamaphepha eZimbabwe ayabhadala yonke imthelo edingakalayo.

Abacubungula ezenotho bathi loba nje kusenzakala ukuthi osomabhizimusi laba benelise ukubhadala imithelo efunekayo, kunzima ukudinga lamankampani emhlabeni jikelele.

Umnu. Rejoice Ngwenya ingcwethi ecubungula ezenotho utshele uGibbs Dube we Studio 7 ukuthi umthetho lo ulakho ukungananzwa ngabosomabhizimusi abahlala emazweni.

XS
SM
MD
LG