amalinks wokungena

Breaking News

Uhulumende Udinga iUS$9.2 Million Yokubhadala Abatshayeli Bendizamtshina ze Air Zimbabwe


Uhulumende usedinga phose izigidi ezilitshumi zamadola eMelika yokubhadala abatshayeli bendizamtshina zeAir Zimbabwe abakhalale umsebenzi ngeviki ephelileyo njalo abalokhe besala ukubuyela emsebenzini bengakatholi iholo lama allowances kaNhlangula lo Ntulikazi.

Umphathintambo wezemali uMnu. Tendai Biti lomphathintambo weze Transport uMnu. Nicholas Goche bakhangelelwe ukuthi babhadale abatshayeli laba ngokusebenzisa eyinye imali kahulumende ekade kumele ibhadale inhlelo zikazulu.

Loba nje singenelisanga ukukhuluma labaphathintambo laba abatshayeli laba bakhangelelwe ukuthola iholo labo ngoMqgibelo kumbe ngoMvulo.

Ingcwethi kwezenotho uMnu. Rejoice Ngwenya uthi yikuganga okwenziwa nguhulumende okokuqambula imali kazulu ukwenzela ukubhadalwa izikwelede ze Air Zimbabwe.

Unkosazana Nolwazi Mlilo ohlala eBhilithane uthi kuyayangisa okwenziwa yi Air Zimbabwe esitshiye abantu makhaza bebhekane lezikwelede ezesabekayo.

XS
SM
MD
LG