amalinks wokungena

Breaking News

Uhulumende Uhlehlela Emuva Ngokumisa Umsebenzi Wokuthengisa Imali Ngomakhalekhukwini


Imali yohlobo lwama bond-note.
Imali yohlobo lwama bond-note.

Kulandela isinqumo sebhanga elikhulu leReserve Bank of Zimbabwe esokubuyisela ukusebenza kwendlela yokuthumezelana lokuthenga kunye lokuthengiselana imali olwe cash-in-cash-out, ingcwethi ezicubungula ezomnotho welizwe zithi kuzabalukhuni ukuthi kulandelwe imigoqo emitsha esibekiwe.

I-RBZ ihlehlele emuva kusinqumo sayo sokumisa abenza lumsebenzai isithi sebengaqhubeka, kodwa bengathumeli kumbe ukuthengisa imali edlula amadola alikhulu - 100 dollars ngasikhathi sinye.

Kodwa kulabanye ababikwa kade bethumezelana imali efika kumbe yedlule izigidi ezilitshumi ngasikhathi sinye.

Ugatsha lweEcocash, okuyingxenye yenkampani kamakhalekhukwini eye Econet beselukhweze loludaba emthethwandaba lusebenzisa inkampani yalo yeCassava Smartech, luphikisa inyathelo leRBZ elokumisa lumsebenzi.

Embikweni owethulwe izolo ntambama, usibalukhulu webhanga le Reserve Bank, uMnu. John Mangudya uthe lelibahnga lizajezisa abazakwephula imigoqo emitsha, kanye labahuquluza imali, obesekubhahile kulumsebenzi.

Ukuze sihlaziye loludaba, uSithandekile Mhlanga uxoxe loMnu. Rejoice Ngwenya, ingcwethi ecubungula ezomnotho.

please wait

No media source currently available

0:00 0:03:29 0:00


XS
SM
MD
LG