amalinks wokungena

Uhulumende Ukhuthaza Abahlala Kwamanye Amazwe Ukuthi Bathumele Imali Ekhaya

  • Chris Gande

Ezinye izizalwane zeZimbabwe Zihlala eLondon kwele Bhilitane.

Imizamo kahulumende eyokukhuthaza izizalwane zeZimbabwe ezihlala phandle kwelizwe ukuthi zithumele izihlobo labangane imali ekhaya isolwa ngabanye abathi kumele uhulumende aqale ngokubapha ilungelo lokuvota.

Lokhu kuza ngemva kwembiko ethi uhulumende uphakathi kohlelo lokudinga imbono yamanye amazwe ukuthi athuthukise njani umnotho welizwe ngemali yezizalwane ezihlala phandle kwelizwe.

Sikhuluma nje uhulumende ubikwa wathumela iqula kwele Nepal okulilizwe eselavuselela umnotho ngemali ethunyelwa yizizalwane ezihlala phandle kwelizwe.

EleZimbabwe lithi imali eyathunyelwa elizweni nyakenye iyafika kuzigidi ezedlula amakhulu ayisikhombisa, i$800 million.

Umphathintambo wezamabhizimusi amancane, uNkosikazi Sithembiso Nyoni, utshele intathelizindaba ukuthi ilizwe liphakathi kwemizamo yokudinga ukuthi imali ethunyezwa elizweni ingasungula njani amabhizimusi amancane elizweni.

Ingcwethi ecubungula ezombusazwe, uMnu. Rejoice Ngwenya, utshele iStudio 7 ukuthi uhulumende weZimbabwe ulalokhu okuthiwa yi hypocrisy ngesilungu. “Ufuna imali yabantu abahlala kwamanye amazwe kodwa kafuni ukuthi bavote."

Facebook Forum

XS
SM
MD
LG