Uhulumende ukhuthazwa ukuba alandele iziqondiso zenhlanganiso ebona ngezisebenzi emhlabeni jikelele eye International Labour Organisation (ILO).
Lezi ziqondiso zikhuthaza ohulumende ukuba baguqule uhlangothi lwabaphila ngokuthengisa, luphathwe njengayo yonke imisebenzi ngokusemthethweni, kukhangelwa isimo esesikhona eZimbabwe esezomnotho.
Isiqondiso se ILO R204 lesi sibhalwe ngenjongo yokuphathisa ukuthuthukisa imisebenzi yabaphila ngokuthengisa laba, banelise labo ukuziphilisa ngendlela elesithunzi, kuthuthukise lomnotho welizwe kusize ekuqedeni udubo lobuyanga osebubhahile.
Osanda kukhethwa ukukhokhela inhlanganisiso emela abasebenza bekulolu hlangothi kuzwekazi leAfrica, eye Streetnet International uNkosikazi Lorrain Sibanda, uthi leliphepha labhalwa ngokubonisana kwenhlanganiso ezimbalwa okugoqela ezimela izisebenzi, amaTrade Unions.
UNkosikazi Sibanda, okhokhela loluhlangothi phansi kwenhlanganiso ye Zimbabwe Chambers of Informal Economy Association (ZICIEA), uthi ziyasebenza iziqondiso ze ILO Recommendation 204.
Uthe okunye okumumethwe kulolugwalo ludaba lokuba kumiswe ukusebenzisa abantu kungela mbadalo, osekuvamile elizweni, abamankampani bekhala ngelokuthi imali iyasisela.
IRecommendation 204 le ikubeka sobala ukuba kumqoka ukubananza abaphila ngokuthengisa.