amalinks wokungena

Uhulumende Ulobelana Isivumelwano Lezisebenzi Esezitanda Zokwakha

  • Chris Gande

Umphathintambo wezabelo, uMnu. Saviour Kasukuwere.

Uhulumende uthi uselobelane isivumelwano lezisebenzi zakhe sokuthenga izitanda zokwakha izindlu.

Phansi kwesivumelwano lesi izisebenzi zikahulumende eziyinkulungwane ezingamakhulu amathathu, i300,000 zizakuba sezilezitanda ngomnyaka ka 2018.

Isivumelwano lesi silotshwe ngobufakazi bukamphathintambo wezemali, uMnu. Patrick Chinamsa, owezabelo, uMnu. Saviour Kasukuwere lomphathintambo wezisebenzi, uNkosikazi Prisca Mupfumira. Kubikwa sekulezisebenzi ezedlula inkulungwane ezilikhulu, 121,000 esezilobise ukuthi ziyafuna lezi zitanda njalo kukhangelelwe ukuba ezinye njalo ezinengi zizalobisa amagama azo.

Sixoxe lesiphathamandla senhlanganiso elwela ilungelo lamatitshala, iZimta, uMnu. Sifiso Ndlovu ukuze sizwe okunengi ngaloludaba.

"Nanko ke lomhlaba okuthiwa uzadingwa ulokhu usadingwa lapha lalaphaya," kutsho uNdlovu.

XS
SM
MD
LG