amalinks wokungena

Breaking News

Uhulumende Unika Amankampani Emazweni Amalanga Amalutshwane Wokwabela Uzulu Inotho Yawo


Umphathintambo wezabatsha lokuthuthukisa inotho kazulu uMnumzana Savior Kasukuwere usenike amabhanga amabili kanye lamankampani ayisithupha amaviki amabili ukuthi anikeze uhulumende indlela azakwabela ngayo uzulu amashares kuhlelo lwe Indigenization.

UKasukuwere ubikwa ethe nxa amankampani la engehluleka ukuchasisa ukuthi azakwaba njani amashares azathathwa nguhulumende kumbe alahlekelwe ngama licenses.

Ubikwa njalo ebhalele incwadi ezethusayo amabhanga athi iBarclays le Standard Chattered lamankampani anjenge Zimbabwe Platinum Holdings, Blanket Mine, Mimosa Mine, Nestle Zimbabwe, British American Tobacco (BAT) lamanye.

Ubikwa njalo enike iBAT le Blanket Mine iviki eyodwa yokutshengisa uhulumende indlela azakwabela ngayo uzulu amashares.

Abaqondisi bamankampani la bayalile ukukhuluma ngodaba lolu loba nje bethe kabakatholi incwadi ezibikwa zithunyezwe nguMnu. Kasukuwere.

Ngakwelinye icele usibalukhulu webhanga le Reserve Bank of Zimbabwe (RBZ) uMnumzana Gideon Gono wethule imbiko ethi ibhanga leli kalifuni ukuthi kuhlukuluzwe amabhanga ayiwo aphethe umnotho welizwe.

UGono uthi iRBZ kayila nhlonso yokuthathela amabhanga ama license njengalokhu okukhulunywa nguKasukuwere.

Uthi imcabango etshekileyo ilakho ukudiliza umnotho we Zimbabwe ikakhulu nxa eyinye inkokheli yelizwe ikhuluma ngokuthathela amabhanga ama licenses osokwenze kwaba lokwesaba kulawo ase Zimbabwe.

Ingcwethi kwezomthetho wamankampani kanye lamalungelo oluntu uMnu. Kucaca Phulu uthi okukhulunywa nguKasukuwere kwethusa amabhanga loba nje emthethweni kungeke kwenzakala ngesiphangiphangi.

XS
SM
MD
LG