Uhulumende we Zimbabwe useqalisile ukubumba umthetho okhangelelwe ukuthi uzavikela ukuthathwa kwempahla yebhanga elikhulu lelizwe iReserve Bank of Zimbabwe ngamankampani afuna ukubhadalwa izikwelede.
Umnu. Tendai Biti umphathintambo wogatsha lwezemali ubikwa etshele amaphephandaba ukuthi iRBZ Bebt Reconstruction Bill kumele ibunjwe ekupheleni kwenyanga le.
Kodwa-ke lumthetho ubikwa ungethulwa ngoNcwabakazi njengoba wonke amadale athi elePhalamende leleSenate, akhengelelwe ukuvula ekupheleni kukaNtulikazi.
Loba nje uMnu. Biti ezama ukubumba lumthetho, ukuthengiswa kwempahla ye RBZ ebanjelwe izikwelede kuqhubekela phambili njalo amankampani ambalwa lenhlanganiso ezitshiyeneyo ezilemali eyathathwa yiRBZ zilakho ukuhambisa ibhanga leli emthethwandaba ukwenzela ukuthola imali eyatshontshwa yiRBZ.
Umnu. Masimba Kuchera umgcinisihlalo we Zimbabwe Coalition on Debt and Development utshele uGibbs Dube we Studio 7 ukuthi kumele iRBZ ivumelane lalamankampani afuna imali eyaqanjulwa libhanga leli kulokuthemba umthetho ongathatha isikhathi eside sokuthi ubunjwe.
