amalinks wokungena

Breaking News

Uhulumende Uqinisa Iziqondiso zeLockdown Ukwenqabela Ukumemetheka kweCOVID 19


UMnu. Constantino Chiwenga

Esethula umbiko lo eHarare ngoMgqibelo, uMnu. Chiwenga, ongumsekeli kamongameli, uthe kufanene kuvalwe izitolo ezithengisa utshwala, ama bottle stores, indlu zokunathela, amabhawa, indlu zokuziqinisa umzimba ezama gym, ezokukhonzela ama churches, lokunye.

Umphathintambo wezempikahle uMnu. Constantino Chiwenga uthi uhulumende useqinise iziqondise zokwenqabela ukumemetheka kweCOVID 19, ngakho izitolo zonke sokufanele zivalwe, kusale lezo ezimqoka empilweni yabantu kuphela.

Esethula umbiko lo eHarare ngoMgqibelo, uMnu. Chiwenga, ongumsekeli kamongameli, uthe sokuvalwe izitolo ezithengisa utshwala, ama bottle stores, indlu zokunathela, amabhawa, indlu zokuziqinisa umzimba ezama gym, ezokukhonzela ama churches, lokunye.

Abantu abasemngcwabeni akufanelanga bedlule amatshumi amathathu kukanti i-curfew isiqalisa ngehola lesithupha ntambama iyecina ngelesithupha ekuseni. Abantu baxwayiswa ukuthi behlale ezindlini njalo bephume nxa belezizatho eziqinileyo kuphela.

Lokhu kwenzakala iCOVID 19 imemetheka elizweni lemhlabeni jikelele, njalo sokutholakale umkhakha omutsha waleligcikwane, emazweni edlula amatshumi amathathu lantathu agoqela eleZambia leSouth Africa.

Kubikwa kungaselandawo eyeneleyo kanye lempahla zokusebenzisa ezigoqela ama ventilators ezibhedlela eZimbabwe, osokubangele ukuthi ezinye izigulane zeCOVID 19 zingemukelwa.

Facebook Forum

XS
SM
MD
LG