amalinks wokungena

Breaking News

Uhulumende Usedinga Amankampani Okusebenzelana le Ziscosteel


Uhulumende womanyano sedinga inkampani zemazweni ezingenelisa ukuthi zithenge amashares athe xaxa kunkampani ye Ziscosteel eyacina ukwemba insimbi ngomnyaka ka 2008.

Umphathintambo wezamafekithali uMnu. Welshman Ncube uthi okwamanje uhulumende ukhangele ukuthi athole inkampani enkudlwana engenelisa ukuthi ibhadale izikwelede zonke ze Ziscosteel njalo iqalise ukwemba insimbi edolobheni le Redcliff.

UNcube uthi inkampani enjenge Arcerlomittal Private Limited eyayikhangelelwe ukuthi izaphiwa imvumo nguhulumende yokuthi ithenge amashares eZiscosteel, akumelanga izihluphe khathesi ngoba uhulumende kazimiselanga ukusebenza lamankampani amakhulu kakhulu.

Uphinde watshela uGibbs Dube owe Studio 7 ukuthi inkampani ezasebenzelana le Ziscosteel kumele ivuselele ngesiphangi phangi ukwemba lokupheka insimbi.

XS
SM
MD
LG