Amankampani kahulumende alitshumi lanye akhangelelwe ukuthengiswa ngesiphangi phangi nguhulumende kusenzelwa ukuthi enelise ukusebenza okulohlonzi ezimele.
Umnu. Larry Mavima umgcinisihlalo wekomidi ye phalamende ekhangele amankampani kahulumende uthi ikomidi yakhe isihlolisisa lamankampani ukwenzela ukuthi angathengiswa ngemali ephansi.
Amankampani akhangelelwe ukuthengiswa agoqela iCold Storage Commission, Air Zimbabwe, Grain Marketing Board, National Oil Company of Zimbabwe, Allied Timbers, NetOne kanye le TelOne.
Lokhu kwenzakala ngesikhathi uhulumende egila imikhuba yokuthi angeke avumele amankampani amakhulu ukuthi asebenzelane lenkampani ye Ziscosteel ebidinga uncedo lokuvuselela umsebenzi wayo.
Umnu. Walter Nsununguli Mbongolwane ingcwethi ecubungula ezenotho utshele uGibbs Dube we Studio 7 ukuthi uhulumende uhlose ukuthengisela amankampani la abasekeli bebandla le Zanu PF ngakho uhlelo lokuwathengisa kumele lumiswe kuze kukhethwe uhulumende omutsha eZimbabwe.
