Umphathintambo wezemigodi uMnu. Obert Mpofu uthi uhulumende usezabhadalisa amankampani afuna ukwemba amadayimana eZimbabwe izigidi ezinhlanu zamadollar.
UMpofu uthi labo abalemigodi emba amadayimana kuzamele bangezelele kuleyo abayibhadala kudala ukwenzela ukuthi bathelele amalicence abo njengemigodi emitsha.
Uphinde wathi imigodi eminye efuna ukwemba amadayimana kuzamele ibhadale isigidi samadollar eMelika.
UMpofu uthi lokhe kusahlolisiswa ukuthi amankampani afuna ukwemba igolide, iplatinum amalahle lokunye angabhadala imali enganani.
Uhulumende ukhuphule imbhadalo yamalicense emigodi ngoNhlolanja isuka kunkulungwane ezingamatshumi amahlanu zamadollar yaya kusigidi samadollar.
UMpofu uthi ukukhuphula imbhadalo yama licenses kuzakwenza ukuthi ilizwe lithole inzuzo exe xaxa evela emsebenzini yemigodi.
