amalinks wokungena

Breaking News

Uhulumende Uselungiselela Ukufaka i$20 Million eBhanga leCABS Yokuvuselela Amafekithali


Ugatsha lukahulumende lwezemali lukhangelelwe ukufaka izigidi ezingamatshumi amabili amadollar eMelika esikhwameni sokuvuselela amafekithali adilikayo ese Distressed and Marginalized Areas Fund.

Iziphathamandla zogatsha lolu kanye lezikunhlanganiso yabosomabhizimusi iZimbabwe National Chamber of Commerce (ZNCC) zitshele iStudio 7 ukuthi uhulumende usevule ibhuku lokufaka imali le ebhanga le Central African Building Society-CABS.

Unkosikazi Ntombehle Moyo umgcinisihlalo wenhlanganiso ye ZNCC koBulawayo uthi imali le ikhangelelwe ukufakwa ebhanga leli ngokutshetsha ngoba kulamanye njalo amankampani asegumula izisebenzi ngenxa yokuswela imali yokulungisa impahla.

Ibhanga le CABS okwamanje selinike amankampani adilikayo ingcosana yezigidi ezingamatshumi amabili amadollar eMelika eyafakwa ebhanga leli yinkampani ye Old Mutual Insurance Company.

Kwakumele uhulumende afake imali efanayo ebhanga le CABS.

Unkosikazi Moyo uthi amankampani lokhe ethwele nzima ngokuswela imali yokulungisa impahla. “Okuzwisa usizi yikuthi sokugunyulwa izisebenzi ezinengi ezicina zisehluleka ukugcina imuli ngenxa yokuswela imali.”

XS
SM
MD
LG