amalinks wokungena

Breaking News

Uhulumende Useqalisile Ukweboleka Imali Osomabhizimusi Abagqekezelwa Izitolo


Nqobizitha Mangaliso Ndlovu

Imali le ngeyokuthi bethenge ezinye impahla njalo belungise izakhiwo zabo ezadilizwayo.

Uhulumende uthi useqalisile uhlelo lokweboleka imali abanini bamabhizimusi abadilizelwa izitolo zabo kumbe abantshontshelwa impahla ngesikhathi kutshengiselwa ngenyanga kaZibandlela lonyaka abantu besola ukukhuphuka kwentengo yamafutha ezimota lokunye.

Imali le ngeyokuthi bethenge ezinye impahla njalo belungise izakhiwo zabo ezadilizwayo.

Uhulumende wabumba ikhomithi ekhokhelwa ngumphathintambo obona ngezamafekithali uMnu. Nqobizitha Mangaliso Ndlovu ukuthi ihlolisise loludaba njalo ibone ukuthi amabhazimusi ayasebenza njalo.

Omunye usomabhizimusi wakoBulawayo, oyisiphathamandla sebandla leZANU PF uMnu. Joseph Tshuma uthi kuyancomeka okwenziwe nguhulumende.

Kodwa ingcwethi ecubungula ezomnotho uMnu. Bulisani Ncube uthi bekufanele uhulumende enikeze osomabhizimusi laba imali hatshi ukubeboleka ngoba abasoze benelise ukuyibuyisela isizele.

Ekhuluma emhlanganweni labalandeli bebandla leZANU PF, umphathintambo wedolobho lakoBulawayo uNkosikazi Judith Ncube ubikwa ethe osomabhizimusi abafuna ukuthola imali le kufanele bezothatha amaphepha ama fomu ewofisini yakhe ukwenzela ukuthi bewagcwalise beyifinyelele. UMnu. Tshuma uthi lokhu akutsho ukuthi imali le izatholwa ngabasekeli bebandla lakhe kuphela.

Amabhizimusi la, agqekezwa, kwathi amanye atshiswa, njalo uhulumende uthi alahlekelwa yizigidi phose ezingamtshumi amabili zamadola. Umka mongameli welizwe uNkosikazi Auxillia Mnangagwausanda ukhokhele umkhosi wokunikeza abanye balaba osomabhizimusi koBulawayo ama friji avela kunkampani ye Varun Beverages.

Lanxa uhulumende esithi ngabasekeli bamabandla aphikisayo abagqekeza izitolo badiliza lempahla, eminye imbiko eyaphuma emthethwandaba yaveza ukuthi abanye abasekeli bebandla leZANU PF kanye lamasotsha baphetheka kulokhu.

Uhulumende uthi abasekeli bebandla leMDC babezama ukumkhupha ngokungekho emthethweni, njalo inengi latshaywa kakubi kumbe labotshwa, kwathi abalitshumi lanye batshona ngemva kokudutshulwa ngamasotsha.

please wait

No media source currently available

0:00 0:04:57 0:00


Facebook Forum

XS
SM
MD
LG