Umphathintambo wezemali uMnu. Tendai Biti uthi ele Zimbabwe selithethe isinqumo sokubhadala isikwelede senhlanganiso ephathisa amazwe womhlaba ngemali eye International Monetary Fund (IMF) esilikhulu lamatshumi amane amadola eMelika ngemali eyavela kulelibhanga ngomnyaka ka2009.
UBiti ubikwa ethi kungabhadalwa imali le ilizwe lingenelisa ukuthola phose isigidi esilikhulu samadola eMelika eyabanjwa yi IMF inika iZimbabwe izigidi ezingamakhulu amahlanu zamadola eMelika kuhlelo lwebhanga leli olwe Special Drawing Rights.
Uqhubeke ethi eyinye yemali le seyasetshenziswa ukulungisisa imigwaqo, isititshi somlilo kagetsi eHwange, amagceke endizamtshina eHarare lako Bulawayo lenhlelo zokuthuthukisa inotho kazulu emadolobheni atshiyeneyo.
Ingcwethi kwezenotho uMnu. Daniel Ndlela uthi lokhu okwenziwa nguBiti kuyabukeka loba kusekude phambili ukuthi ele Zimbabwe libhadale izikwelede zonke zamabhanga emazweni.
