Ugatsha lwabatsha lokuthuthukisa inotho kazulu luthi uhulumende ukhangelelwe ukwethula kunsukwana ezilandelayo iziqondiso zomthetho wohlelo lwe Indigenization ezithi amankampani emba okutshiyeneyo kumele athengisele uzulu amashares ayisilinganiso sokwedlula amatshumi amahlanu ekhulwini.
Phansi kweziqondiso lezi, uhulumende ubikwa ezafuna ukuthi yonke imigodi yama alluvial diamonds ibe ngekazulu.
Okukhangelwe ukuthi kuzadanisa amankampani asemsebenzini wokwemba yikuthi uhulumende kazose emukele ukuthi amankampani la athi azathuthukisa inhlalakahle kazulu lapho alemigodi khona kulokuthi athengisele uzulu amashares amanengi.
Loba sehlulekile ukukhuluma leziphathamandla zika hulumende, inhlanganiso ye Zimbabwe Chamber of Mines ithi iziqondiso lezi akumelanga zethulwe kungakahlafunwa loludaba lohulumende.
Ingcwethi kwezenotho uMnu. Bekithemba Mhlanga uthi lokhu okufunwa ukwethulwa nguhulumende kuzethusa labo abafuna ukuzevula amafekithali eZimbabwe.
Uhulumende Usezakwethula Umthetho Omutsha Wokuthuthukisa Inotho Kazulu Kwezemigodi
- Gibbs Dube
