amalinks wokungena

Breaking News

Sokuzaqhatshwa Inkampani Yokuhlolisisa Ubusela Kumankampani Kahulumende


Umphathintambo obona ngezamankampani kahulumende, uMnu. Gorden Moyo uthi sokuzaqhatshwa inkampani ezimele yodwa ukuthi ihlolisise inotho lokudilika kwamankampani kahulumende.

UMoyo uthi inkampani ezaqhatshwa ikhangelelwe ukuthi incedise uhulumende ukuthi avuselele amankampani la ehluleka okwamanje ukubhadala izisebenzi, izikwelede kanye lokuqhuba inhlelo eziletha inzuzo.

Uphinde wathi kuyamele izisebenzi ezinengi esezingasabhadalwa iholo ngenxa yokuswelakala kwemali zigunyulwe kumankampani la, njengoba ezinye zaqhatshwa okungelamvumo.

Uqhubeke wathi inkampani enjenge Zimbabwe United Passenger Company eyayilamabhasi phose amangamakhulu amane, isisele lalikhulu kuphela, kubangelwa yibusela lokungazi umsebenzi kwabaqondisi bamankampani la lezisebenzi.

Ingcwethi ecubungula ezenotho uMnu. Rejoice Ngwenya uthi kumele bonke abantu abazatholakala belamacala wokweba kulinkampani babotshwe.

‚Äč
XS
SM
MD
LG