amalinks wokungena

Breaking News

Uhulumende Uthi Usezasungula Uhlelo Lokunika Imali Abahluphekayo


Uhulumende uthi usezasungula isikhwama sohlelo lokunceda abahluphekayo kwele Zimbabwe ngokubanika itshumi lamadollar kusiya kumatshumi amabili lanhlanu amadollar ngenyanga.

Unkosazana Paurina Gwanyanya Mpariwa umpathintambo wenhlala kahle kazulu utshele iStudio 7 ukuthi uhulumende usebone ukuthi uhlelo lolu olusungulwe eziqintini ezilutshwana kusukela ngo Lwezi nyakenye lulakho ukunceda abantu makhaza abanengi abadubekayo.

Unkosazana Mpariwa uthi isikhwama sohlelo lolu sesilezigidi ezingamatshumi amane lanhlanu zamadollar etholakale kunhlanganiso ezizimele zodwa kanye lakuhulumende.

Uthi kukhangelelwe ukuthi kuncedakale imuli ezedlula inkulungwane ezingamakhulu amabili lanhlanu kusiyafika umnyaka ka 2015.

Kodwa ingcwethi kwezokuthuthukisa inotho kazulu uNkosikazi Faith Ncube uthi uhlelo lolu kalusoze luncede kakhulu abadubekayo ngenxa yokuthi intengo yokudla, imbhadalo yezibhedlela kanye leyemfundo iqonge okwamagama.

XS
SM
MD
LG