Uhulumende uthi Mongameli Emmerson Mnangagwa sehlomise izinduna ngakho konke ezikudingayo ukuze ziqalise uhlelo lokukhulumisana lozulu weMatabeleland ngodaba lweGukurahundi zidinga indlela yokululungisisa.
Lokhu kwaziswe yisikhulumeli sikahulumende uMnu Nick Mangwana eloba enkundleni yeX ngoLwesibili.
UMangwana uthe izinduna lezi seziphiwe lemitshina yokusebenzisa ekuthapheni imibono kazulu, wathi njalo ngokudinga indlela zokulungisisa udaba lweGukurahundi, uMongameli Mnangagwa wenze into encomekayo ebingacatshangelwa ngabanengi.
Kodwa abanye bayalusola kakhulu loluhlelo besithi uhulumende ubemele akhulumisane labantu ababulawelwa izihlobo eMatabeleland laseMidlands libutho leFifth Brigade kuqala ukuze bazikhulumele ukuthi bafuna udaba lolu luphathwe njani.
Omunye wabalombono lo yisiphathamandla senhlanganiso elwela amalungelo oluntu eyeIbhetshu Likazulu uMnu Mbuso Fuzwayo.
Kodwa ilunga leZanu PF uMnu Believe Gaule utshele iStudio 7 ukuthi lanxa kulemibono etshiyeneyo phezu kwaloludaba, kubalulekile ukuthi uhulumende aphiwe ithuba lokuzama ukululungisisa.
Forum