amalinks wokungena

Breaking News

Uhulumende Uthi Uqinisa Imizamo Yokudinga Udokotela Magombeyi


Dr. Peter Magombeyi

Lokhu kuvezwe ngumphathintambo kahulumende obona ngezomvikela uMnu. Owen Ncube, emhlanganweni lentathelizindaba ngoLwesibili.

Uhulumende uthi useqinisa imizamo yokudinga udokotela Peter Magombeyi, ongumkhokheli wenhlanganiso yeZimbabwe Hospital Doctors’ Association, obikwa ethunjiwe ngoMgqibelo eHarare.

Lokhu kuvezwe ngumphathintambo kahulumende obona ngezomvikela uMnu. Owen Ncube, emhlanganweni lentathelizindaba ngoLwesibili.

UMnu. Ncube, obekhatshe ngezinye iziphathandla zikahulumende ezibalisa uMnu. Cain Mathema, obona ngokwenzakala elizweni, loMnu. Obadiah Moyo, owezempilakahle, uthe uhulumende uzadingisisa njalo ukuthi lokhu kwenziwe ngubani.

Lokhu kulandela amazwi omphathintambo obona ngobudlelwano lamanye amazwe uMnu. Sibusiso Moyo, othe ukuthunjwa kukadokotela Magombeyi kwenziwe ngabomu ngabantu abazama ukungcolisa uhulumende kamongameli Mnangagwa kwamanye amazwe.

UMnu. Moyo uthi ukuthunjwa kukaMnu. Magombeyi kuqondane lokuqalisa komhlangano we United Nations General Assembly ngoLwesibili eNew York kweleMelika, kanye lokufika kwesethekeli uMnu. Clement Nyaletshossi Voule, ovela kulumanyano odingisisa ngokwenzakala eZimbabwe.

UMnu. Moyo uthe izehlakalo ezifanayo zenzakala sokuzakuba ngumhlangano weSADC Summit eTanzania ngenyanga edluleyo, ngezizathu ezifanayo.

Ukuhlaziya loludaba, sixoxa loMnu. Benard Bhekilizwe Ndlovu, ingcwethi ecubungula ezombusazwe.

please wait

No media source currently available

0:00 0:02:36 0:00


Facebook Forum

XS
SM
MD
LG