amalinks wokungena

Breaking News

Uhulumende Uthi Usayine Isivumelwano se $4.5 billion, Kodwa Uzulu Uthi Imisebenzi Izayala Ililihlo Lentwala


Uhulumende ngeviki edluleyo wazise ukuthi ulobelane isivumelwano semali engamabhiliyoni amabili lengxenye lenkamapni yakwele Cypriot okuthiwa yiKaro.

Lesi sivumelwano silandela ezinye ezinenginengeni esezisayinwe nguMongameli Emmerson Mnangagwa.

Kuminyaka edluleyo owayengumongameli, uMnu. Robert Mugabe, laye waba lezivumelwano ezimbalwa lamazwe awentshonalanga kodwa akulethanga mehluko empilweni kazulu.

Omela iBinga edale lephalamende, uMnu. Prince Dubeko Sibanda, uthi isivumelwano esitsha sizafana lazo zonke ezedluleyo.

“Okwakuqala okumele abantu beZimbabwe bakunanzelele yikuthi uMnangagwa loMugabe yinto efanayo, abala mehluko. Kunje bengikhuluma labanye abantu abathi uMnagagwa nguye owayengamandla kaMugabe,” kutsho uSibanda.

Unobhala jikelele wenhlananiso yeBulawayo United Residents’ Association, uMnu. Ambrose Sibindi, uthi okukahulumende weZanu PF ngokokuyicela isivuthiwe.

“Akulanto entsha eZimbabwe kujwalekile ukuthi umongameli athi kwenzakale lokhu lalokhu kodwa singaboni lutho olwenzakalayo,” kutsho uSibindi.

Lokhu kugcizelelwe ngukhansila weHarare, olilunga leMDC-T, uMnu. Peter Moyo, othi lokhu kutshengisa ukuthi uhulumende okhona ufana xathu lowayekhokhelwa nguMugabe.

“Lokhu yikho okade kusenzakala kuminyaka yonke leyi. Lisakhumbula ukuthi ababekhona laba oMugabe basayina into ezinengi kakhulu lama China kodwa lalamhlanje asizwisisi ukuthi kuzahamba njani,” kutsho uMoyo.

Phansi kwesivumelwano se platinum, kuzaqala ukwenjiwa lelilitshe ngomnya ka 2020.

please wait

No media source currently available

0:00 0:02:51 0:00

Facebook Forum

XS
SM
MD
LG