Uhulumende uthi sekulomahluko osukhona kudaba lokuhlawulela kwakhe izikwelede zakhe zelizwe ezigoqela ezenkampani yamandla kagetsi eye Zimbabwe Electricity Suply Authority ZESA kanye lesenkampani kagetsi yakwele South Africa eye ESKOM, ekhuthaza uzulu ukuba alandele isibonelo esihle lesi ahlawulele ezakhe.
Lokhu ngokunye kokuvezwe ngumphathintambo wezokwethulwa kwemibiko, unkosikazi Monica Mutsvangwa emhlanganweni lentathelizindaba wokwethula impumela yokuhlafunwe emhlanganweni wedale labaphathintambo owenziwa maviki wonke owenzelwe emahofisini wogatsha lwakhe eMunumutapa.
Ulandisa kabanzi unkosikazi Mutsvangwa ukuba kuyini uhulumende asethe wakwenza ukuhlawulela izikwelede zakhe kumankampani abalisa eyakuleli leyakwele South Africa eye ESKOM.
Kwasekelwa ngumphathintambo wezemihIobo yamandla kagetsi umnumzana Fortune Chasi.
Ulandisa njalo ngokuqakatheka kokuba ilizwe lidinge ezinye indlela zokutholisa uzulu amandla kagetsi u Chasi.
Lumbiko wokwenelisa ukuhlawulela indleko lesikhwelede samandla kagetsi abanengi bathi ujonge ukukhuthaza abantu makhaza ukuthi babhadale labo izikhwelede abalazo eze ZESA kodwa abanengi bathi abantu bathwele nzima akebenelisi ukuhlawulela indleko zonke zemuli kumbe ukuthenga ukudla nje kodwa zwi.
