amalinks wokungena

Breaking News

Uhulumende Uthwele Nzima Ngokudinga Imali Yokubhadala Amabhonasi Ezisebenzi


Ugatsha lukahulumende lwezemali lubikwa luthwele nzima ngokuzama ukudinga imali yokubhadala amabhonasi ezisebenzi zikahulumende lonyaka.

Ugatsha lolu lubikwa soluthole izigidi ezilitshumi lanhlanu zamadola eMelika yokubhadala amabhonasi la alendleko engaba yizigidi ezedlula amatshumi amathathu zamadollar eMelika.

Imali etholakeleyo kukhanya icongolozelwe ekuthengiseni amadayimana eMarange kodwa-ke umthambo lo ungani usutshile.

Ukosikazi Tendai Chikowore omele inhlanganiso yezisebenzi zikahulumende iApex Council uthi izisebenzi lezi zimelele amabhonasi lonyaka njalo kaboni uhulumende esehluleka ukubhadala imali le.

Kusenjalo, uMnu. Raymond Majongwe omele inhlanganiso yababalisi eye Progressive Teachers Union of Zimbabwe (PTUZ) uthi inkomo ingazala umuntu nxa uhulumende engehluleka ukubhadala izisebenzi amabhonasi.

Omunye walabo abamele iptuz koBulawayo uMnu. Vusumuzi Mahlangu uthi akukabonakali kahle ukuthi uhulumende uzacina eseyithola imali yokubhadala amabhonasi.

Ingcwethi kwezenotho uMnu. Masimba Kuchera uthi njengoba ukhetho soluseduzane eZimbabwe uhulumende uzadinga imali yamabhonasi ngamandla wonke.

XS
SM
MD
LG