Amabhutsha edlula ikhulu, inengi lawo lise Harare, asevaliwe yiziphathamandla zikahulumende ngoba ebikwa etholakale esebenzisa imithi yokwenza ukuthi izidumbu zingaboli enyameni ethengiselwa uzulu.
Amabhutsha la abikwa esebenzisa umuthi okuthiwa yi formalin osetshenziswa ema motsha agcina izidumbu. Uthelwa enyameni ukuthi ingonakali ngenxa yokusilela kwamandla kagetsi asetshenziswa ukuqandisa izidumbu ukuthi zingaboli.
Kodwa abezempilakahle bathi umuthi lo ulakho ukugulisa abantu ungadliwa okwesikhathi eside.
Ingcwethi ezicubungula ezempilakahle zithi umuntu engathenga inyama abone ingahlalwa yimpukane yisibonelo sokuba iyabe ithelwe lumuthi.
Asenelisanga ukukhuluma labanini bamabhutsha avaliweyo ngaloludaba.
Sixoxa lesikhulumeli senhlanganiso yabathengi, eye Nationala Consumer Rights Association, uMnu. Effie Dlela Ncube yena othi kufanele kuhlolisiswe isisusa sendaba kungagconwa abanini bamabhutsha kuphela.
