Umngcele we Beitbridge ngoLwesibili wale ulokhu ungelamabhasi lezimota ngelanga lesibili lokutshengisela phezu komthetho wokungenisa elizweni impahla ezithengwe kwamanye amazwe.
Amapholisa akwele South Africa abikwa ephinde njalo ukucitha ukubuthana obekwenziwe ngabatshengiselayo laba edolobheni le Musina.
Ingcwethi kwezomnotho zithi ukungasebenzi kahle kwemingcele yelizwe, ikakhulu owe Beitbridge oyiwo omkhulu elizweni, kuzabangela ukuba uhulumende aswele imali. Kunyanga ezimbalwa ezedluleyo uhulumende ubesehluleka ukubhadala izisebenzi zakhe.
Sixoxe lomkhokheli wenye yezinhlanganiso eziqoqe ukutshengisela lokhu, eyeInternational Crossborder’s Association uMnu. Dennis Juru othi ukutshengisela lokhu kuzakwenza uhulumende aswele inzuzo.
“Izolo saba lomhlangano le nhlanganiso ye Beitrbridge Clearing Agency and Transporters Association kade bebuza ukuthi sizaqala nini uku release ama trucks le cargo,” he said.
