amalinks wokungena

Breaking News

Uhulumende Uthi Uzathatha Amakampani Emigodi Angalandeli Iziqondiso zeIndigenization - Kasukuwere


Umphathintambo kahulumende obona ngokuthuthukisa inotho kazulu uMnu. Saviour Kasukuwere uthi uhulumende uzathatha amankampani wonke emigodi angafuni ukwabela abantu makhaza amashares phansi komthetho weIndigenization.

UKasukuwere utshele idale laphalamende ngoLwesine ukuthi amankampani emigodi angamakhulu amabili anike uhulumende ingwalo ezitshengisa ukuthi azakwabela njani uzulu amashares selokhe kwaqalisa uhlelo lolu ngomnyaka ophelileyo.

Uthi uhulumende wamukele inhlelo zamankampani angamatshumi edlula kancane amahlanu kuphela njengoba bekungakhanyi ukuthi amanye afuna ukwenzani.

Uthi kulamankampani emigodi angamatshumi amathathu angafuni ukwabela uzulu amashares.

Uphinde wathi lokhu sokuzondise ugatsha lwakhe athi soluzathatha ngenkani amankampani la angafuni ukulandela umthetho welizwe.

Amabandla eMovement for Democratic Change akuhulumende womanyano le Zanu-PF eliyilona elifuna uhlelo lwe indigenization athi okwenziwa nguKasukuwere lebandla lakhe akukho emthethweni.

Umnu. Gift Chimanikire ongumsekeli womphathintambo wezemigodi uthi uKasukuwere uzabe esephula umthetho nxa ugatsha lwakhe lungathatha amankampani la ngodlakela.

Ingcwethi kwezokuthuthukisa inotho kazulu uMnu. Liberty Bhebhe uthi UKasukuwere ulakho ukusetshenziswa libandla lakhe ukuthi kuthathwe ngodlakela amankampani emigodi angakavezi ukuthi azakwabela njani uzulu amashares.

XS
SM
MD
LG